Ardit Bido është profesor i asociuar në Marrëdhënie Ndërkombëtare dhe, prej vitit 2016, ushtron detyrën e drejtorit të Përgjithshëm të Arkivave. Në këtë funksion, ai ka udhëhequr modernizimin dhe dixhitalizimin e arkivave, duke lehtësuar qasjen e publikut dhe arritur standardet më bashkëkohore të ruajtjes dhe sigurisë, duke njësuar dhe standardizuar shkresat dhe punën me dokumentet në administratën shtetërore, çka mundësuan edhe përmbushjen e kërkesave të BE-së me anëtarësimin në Portalin Evropian të Arkivave prej vitit 2018.

Lindur dhe rritur në Sarandë, Bido ka përfunduar arsimin e mesëm në gjimnazin “Hasan Tahsini”. Ai është diplomuar për Gazetari, ka kryer masterin dhe ka fituar gradën Doktor i Shkencave në Marrëdhënie Ndëkombëtare në Universitetin e Tiranës, ku ligjëron prej vitit 2012.

Me rrënjë familjare nga Delvina, Kurveleshi dhe Rrëzoma, Bido ka shfrytëzuar praninë e tij mediatike dhe publike për mbrojtjen e të drejtave pronësore të bregasve, shqiptarëve të Çamërisë, minoritetit grek dhe promovimin e potencialit zhvillimor të Vlorës, Sarandës, Delvinës, Konispolit, Finiqit, Himarës dhe Labërisë. I angazhuar si ekspert në Komisionin e Reformës Territoriale, ai ka dhënë kontributin e tij në krijimin e Bashkive Konispol, Finiq, Himarë dhe Selenicë, si dhe ka lobuar për zgjerimin e Bashkive Delvinë, Sarandë dhe Konispol, krahasuar me draftet fillestare, duke synuar fuqizimin administrativ dhe ekonomik të këtyre zonave. Në fushën akademike, Bido ka botuar tri monografi: “Kisha Ortodokse Shqiptare: Një histori politike (1878-1945)” (botuar nga Routledge, shtëpia botuese më e madhe në Botë në këtë fushë);