Në vijim të takimeve me komunitetin, kandidati për deputet i Partisë Socialiste, Ardit Bido, zhvilloi një takim të veçantë me arsimtarët e Ksamilit.
Në këtë bashkëbisedim të ngrohtë, u theksua se çdo zhvillim i qëndrueshëm nis me dijen dhe çdo shoqëri që ecën përpara, mban në zemër kontributin e mësuesve të saj.
Ardit Bido falënderoi arsimtarët për përkushtimin e tyre të palodhur ndër vite dhe ndau bindjen se pa një arsim cilësor dhe me vizion, nuk mund të ketë zhvillim të qëndrueshëm për komunitetin.
Në diskutim u ndanë ide dhe propozime për ta bërë më të fortë rrugëtimin e Ksamilit, duke e nisur nga shkolla, nga dija, nga investimi te brezi i ri.
Kandidati theksoi se në çdo hap përpara që synohet për Ksamilin, vlerat dhe vizioni i arsimtarëve do të kenë gjithmonë një vend të rëndësishëm.
“Zhvillimi nuk ndërtohet thjesht me infrastrukturë. Ai nis me mendjen, me edukimin dhe me respektin për ata që mbjellin dijen çdo ditë”, u shpreh Ardit Bido.
