Në një atmosferë të ngrohtë dhe miqësore, kandidati për deputet Ardit Bido zhvilloi një takim të veçantë në Sarandë me personalitete të njohura të artit, kulturës dhe mendimit qytetar – zëra që prej vitesh kontribuojnë në shpirtin dhe identitetin e këtij qyteti.
Diskutimi ishte i hapur, i sinqertë dhe frymëzues. U kujtuan momentet që kanë formuar trashëgiminë kulturore të Sarandës, u analizuan sfidat aktuale dhe, mbi të gjitha, u fol për mundësitë që ofron e ardhmja.
“Një qytet që e vlerëson artin, nuk rrit vetëm turizmin, por rrit vetveten. Një vend që dëgjon artistët dhe mendimtarët, ndërton me zemër, jo vetëm me beton,” – theksoi Bido gjatë bashkëbisedimit.
Ai u shpreh i vendosur që Saranda të mos jetë vetëm një destinacion turistik, por një qendër e gjallë kulturore, ku vlerat artistike dhe qytetare të jenë shtyllë e zhvillimit.
Faleminderit për praninë dhe për kontributin që jepni çdo ditë në jetën e këtij qyteti.
